عادات المكاوية زمان !!..وحكونا عن عاداتكم !!..

[Nema]

السلام عليكم ورحمة الله وبركاته ....

رمضان كريم علينا وعليكم وعلى جميع المسلمين يارب ...

ينااس زمان عن فله المنتدى وجناننا هنا .. يارب نرجع احسن من اول

بما اني من مكه .. مكاويه .. مكه حقتنا بأي كلمه تبوها .. حبيت اجبلكم عادتنا زمااان >>خلاص عجزت يالله حسن الخاتمه

يعني في عاادات خلاص راحت ومعد بنشوفها .. مجرد انو نسمعها وعادت لسسه مازالت فيناا الين دحين .. والله يديمها على طاعته يارب ..

في مكه عندنا الزحاام على طوول .. مافي فكه ..يعني معتمرين حجااج اهل المملكه كلوو كلوو هنا في مكه

وبالذات في رمضان يعني الشوارع تنزززحم ومتى قبل المغرب ويلا هااتك مضاررباات ..طيب يااهوو رمضان كريم صلوو عالنبي

وفين الزحمه تلاقوهاا ؟! عند الا يبيعو الفول والكعك والشريك والسوبياا >>بن عفيف وعم سعيد خضري وارفع يدك

واذا جينا نتكلم عن السوبيا ماراح نسكت ليه ... عشان شي الييم احسوو .. ومانشوفو غير في رمضان قليل ماندور عليها في ايام السنه كولها .. وسوبية عم سعيد خضري دي معروفه من زمااان الين دحين .. حتى الناس سارت تسوي تقليد ..بس مين يضحك علينا

وطبعا بتسير من الشعير ولا من العيش الناشف ( الخبز الجاف)

طبعا طبعا الثلاثي المرح مايستغنو عنهم في رمضان ودا الشي الين دحين .. السمبوسه وشوربة الحب والفول هذي الاطباق الرئيسيه .. نحمدك ونشكرك يارب

تعالو نشوف الحلى ..الكنافة و الساقودانه والتطلي والألماسيه والخشاف ..و المهلبيه >>لاتلعبولي فيها دي

غير كدا تعالو شوفو بسطات البليله قدام البيوت وفي الأزقه وفي الحارات ((يا بليلة بللوكي سبع جواري طبخوكي )) ... ها ياشباب ماسويتوها وانتو صغارر اعرف انكم لسسه ماشيبتوو بس اظن شي مره كان حلووو لأني كنت اشوف اخواني يسوها وهما صغار ..لوول >>حسستكم انو عمري 50 سنه

وسحورناا ... مقلقل وكباب ومختوم ومكرونه وعليها لحمه مفرومه :s_002: يعني دي العادات مازالت مسستمرة ...

الشي الا راح وماسرنا نشوفوو ومرره نفسسي اشوفو في حياتي ولو مره ... المسحراتي وكان يدق ع الطبله ولو ايقاع خاص .. ( اصحى ياصايم ..وحد الدايم ) >>> وحدوووه .. لا اله الا الله ...
يعني اول كان عشان ينبهوهم ع السحور وانو الفجر قرب يأدن دحين ماشاء الله اصوات الادان في كل مكان

وفي شي معروف عندنا كلنا ... انو نتبادل الاكلات والصحون ..يعني الجيران يرسلوو اذا معاك في احد في بيتك برضو يرسلو
تسمع الجرس يدق وتاخد الصحن وتجي تاني يوم توديلهم هوا تجيك امك يااوااد هات الصحن لاتوديه فاضيه خلينا نحطلهم شي فيه

واحلى احلى شي لمن يأدن ..بجد أدان مكه ونغمه اهل مكه مافي احلى منهاا .. شي يرد الرووح ..وبالذات وانت في الحرم .. احلى احساس في الكووون كله وطبعا لازم كل يوم يروحو يصلو التراويح والتهجد في الحرم ..

الله يعمرك يامكه

دحين اهل المدينة وجدة يجو يضاربووني والله تنحطوو في العين وفوق الراس .. بس مكه مافي زيهاا

يالله يالله كل واحد يحكينا على عاداتو وتقاليددووو وكل شي

صحصحوو شوياا ياهووو

[ωαέł]

يواد يامكه حقنا

حتى في مكتنا مسوية زحمه

ولا كيف يارايد <<حيتلطش

اما زحمة الفول والشريك تطرح البيك في رمضان

بس مافي احسن من الفول المبخر حق ستي والمعمول

وداك الطرشي اللي مدري ايش اسمو قبل يومين ستي كانت حتضربني عشان كبيتو في السياره

ويسلموش نيما القديمه عالموضوع الحلو دا

[Nema]

المشاركة الأصلية كتبت بواسطة ωαέł

يواد يامكه حقنا

حتى في مكتنا مسوية زحمه

ولا كيف يارايد <<حيتلطش

اما زحمة الفول والشريك تطرح البيك في رمضان

بس مافي احسن من الفول المبخر حق ستي والمعمول

وداك الطرشي اللي مدري ايش اسمو قبل يومين ستي كانت حتضربني عشان كبيتو في السياره

ويسلموش نيما القديمه عالموضوع الحلو دا

ههههههههههههههههه شفت كيف ..

للووولي حتتلطش بقووه كماان


علىى قولتك يطرح البيك


اصلا كل شي ستاتناا يسووه لزييز يارب يخليهم لينا يااااااااااااااااااارب

الله يسلمك يالولي البطريق ...

[Đŋđńȁ]

نيما والله عادات مافي احلى منها وماراح اضربك كل الحجازيه ربي يسعدهم من مكه حقنا لجده اهل الرخى والشده لأحلى مدينه مدينة الرسول مدينتي المدينه

وزي ماقلتي رمضان معرووووف بالسوبيه واحنا في المدينه عندنا سوبيه الخشه معروفه وسوبية الاخرص دي المعروفه وهيا ال تسير عليها الزحمة وقتال يالطيف

والشريك عندنا شريك الكعكي عاد هادا مافي غنى عنو على السفره والفول والمقليه ( الطعميه ) ووكمان الدقة و شوربة الحب

واحلى شئ عندنا انو لازم الكاسات مبخره وموية الكادي عاد هادي مع المويه اطعم شئ بعد الصيام

واكتر عاده كنت احبها وبطلوها عندنا وحتى لو كانت فيه يمكن مانسمعها الي هيا مدفع الأفطار دا الشئ مره احسو في روحانيه في الشهر دا

دا الي افتكرو دحين والي عندو اضافه ينورنا

ويسعدلي عادات اهل المدينه واهلها >>> عنصريه >> تشرد قبل ماتنضرب

نيما مررره يسعدلي قلبك على التوبيك الطعم زيك :)))

[Miss Doliy]

[align=center]
ايش الشريك ؟؟

هههههههههههههههههه

والله موضوع حلوو

بس في شي مستغربتو

كيف الناس تقدر تاكل فول على الفطووور ؟؟

والله انا احس بظني توجعني من الي ياكلو قدامي
[/align]

[Nema]

هههههههههههههههههههههههه


الشريك نوع من انواع العيوش كيف افهمك هوا يعني

زي الكعك .. بس مشهور عند اهل المدينه

[Wely]

الشريك يأتي من شرك
بمعنى شرك يشرك شريكاً ..
عايش يعيييييش عيشاً

شريكاً وعيشاً ... كلمتان بمعنى واحد

ويكون شبيهاً في الطعم بالخبز ..
خبز عيش شريك ،، بس انو الشريك مدور
والمخروووم من النص .. شكلو كدة خطأ مصنعي بس ثاااابت ..


ان شاء الله يكون فهم الشريك او معنى الشريك وصل ..؟ ^ــ^

ع كل شكراً نيمااا ( كت كت ) ^ـ*
ع التوبيك الحلووو ..
وفعلاً نحن أهل مكة غير ،، ومكة جد جد حلوة وهذا بس عشانها مكة حقنا ^ـ^
تسلمي يا عسل ..

لكم ودي ..